အနောက်ပိုင်းဒေသများ စိုက်ပျိုးစီးပွားဖွံ့ဖြိုးတိုးတက်ရေး စီမံကိန်း အမျိုးသားအဆင့် စီမံကိန်း ဦးဆောင်ကော်မတီ- NPSC ၏ ဒုတိယအကြိမ် အစည်းအဝေး ကို နိုဝင်ဘာလ ၁၉ ရက်နေ့ ညနေပိုင်း က Video Conferencing စနစ်ဖြင့် ကျင်းပပြုလုပ်ရာ အစည်းအဝေးသို့ NPSC ဥက္ကဌ ၊ ဒုတိယဝန်ကြီး ဦးလှကျော် နှင့် ကော်မတီဝင်များ စုံညီစွာတက်ရောက် ဆွေးနွေး ခဲ့ကြသည်။
ဗီတာမင်၊ သတ္တုဓါတ်နှင့် အာဟာရဓါတ်များစွာကြွယ်ဝသည့် ထောပတ်သီးကို မြန်မာနိုင်ငံတွင် ရှမ်းပြည်နယ်၊ ကယားပြည်နယ်၊ ချင်းပြည်နယ်၊ မန္တလေးတိုင်းနှင့် ကချင်ပြည်နယ် အစရှိသည့် ကုန်းမြင့်ဒေသများ၌ စိုက်ပျိုးကြပါသည်။ ကျယ်ကျယ်ပြန့် ပြန့်စားသုံးလေ့မရှိ၍ စီးပွားဖြစ်စိုက်ပျိုးခြင်း ယခင်ကနည်းပါးခဲ့သော်လည်း၊ မြန်မာ့ထောပတ်သီးများမှာ နိုင်ငံတကာမှလက်ခံနိုင်သည့် အရည် အသွေး ပြည့်မီခြင်း၊ ဓါတုဆေး သုံးစွဲမှုနည်းပါး၍ ဓါတ်ကြွင်းအာနိသင်နည်းပါးခြင်း၊ နိုင်ငံတကာ စျေးကွက်မှ စိတ်ဝင်စား မှုရှိလာခြင်း စသည့်အချက်များကြောင့် ပို့ကုန်အလားအလာရှိသည့် သီးနှံတစ်ခုအဖြစ် တိုးချဲ့စိုက်ပျိုးလာကြသည်။
