“ကျေးလက်နေ တောင်သူလယ်သမားတွေ၊ စိုက်ပျိုးရေး၊ မွေးမြူရေးနဲ့ ဆက်နွယ်တဲ့ လုပ်ငန်း တွေ၊ အမှန်တကယ်လုပ်ကိုင်လိုသူတွေအတွက် မြေလွတ်၊ မြေလပ်နဲ့ မြေရိုင်း လုပ် ပိုင်ခွင့်တွေ ကို တိုးမြှင့်ရရှိစေမှာဖြစ်” (ပြည်ထောင်စုဝန်ကြီး ဒေါက်တာအောင်သူ)
မြန်မာ့လယ်ယာကဏ္ဍအခြေအနေ ၁။ မြန်မာနိုင်ငံလူဦးရေ၏၇၀%သည် ကျေးလက်ဒေသတွင်နေထိုင်လျက်ရှိကြပြီး အများစု၏ အဓိက စီးပွားရေး လုပ်ငန်းမှာ လယ်ယာလုပ်ငန်းဖြစ်ပါသည်။ တစ်မျိုးသားလုံး၏ ပြည်တွင်း အသားတင် ထုတ်လုပ်မှုနှင့် ဝန်ဆောင်မှုတန်ဘိုး (GDP) ၏၃၀% ခန့်ကို လယ်ယာကဏ္ဍမှ ရရှိသော်လည်း တောင်သူလယ်သမား အများစု၏ လယ်ယာမြေနှင့် ပတ်သက်သော အကျိုး ခံစားခွင့် အလွန်နည်းပါးလှပြီး ၎င်းတို့၏လူမှုစီးပွားဘဝသည် နိမ့်ကျလျက်ရှိပါသည်။
