အတန်ငယ်ငြိမ်သက်နေသော သမဝါယမသည်ကား COVID ကာလအတွင်းမှာ လှုပ်ခတ် လာခဲ့ချေပြီ။ အားလုံးသိကြသည့်အတိုင်းပင် COVID-19 ကြောင့် မြန်မာပြည်၏စိုက်ကုန် တော်တော် များများ တရုတ်ပြည်သို့ တင်ပို့၍ မရတော့။ ထွက်ရှိလာသော ထွက်ကုန်များကလည်း ဘယ်လို လုပ်ရမည်မသိ။ သည်အတိုင်း ကြည့်နေရုံကတော့ ဘာမှဖြစ်လာမည်မဟုတ်။ ပစ္စည်းများကလည်း ရေရှည် အထား ခံသည်လည်း ရှိသည်။ အထား မခံတာကလည်း ရှိသည်။ ပစ္စည်းများ ရောင်းမထွက်တော့ အချိန်ကုန် ငွေပုပ်ချေပြီ။ သည်အတိုင်းတာဆို နောင်နှစ် ဘယ်လိုပြန်ရင်းရပါ့ဟု တောင်သူများ သောကများနေကြရပြီ။ မိမိတို့ သွေးချွေးတို့ဖြင့် ရင်းနှီးထားရသော ထွက်ကုန်များ အဟောသိက ဖြစ်တာကိုလည်း အဖြစ်မခံနိုင်။ ရှုံးသည် မြတ်သည် အသာထား။ စားသုံးသူလက်ထဲ အကျိုးရှိစွာ ရောက်ရှိသွားမည်ဆိုလျှင် တောင်သူဦးကြီးများ စိတ်ချမ်းမြေ့ကြရမှာ အမှန်။ Read More…
