သုတေသန ဦးစီးဌာနသတင်းများ

ဒေသအသီးသီးမှ ခရမ်းဗီဇ ကွဲမျိုးများ ၏ အရည်အသွေးနှင့် အရည်အချင်း လက္ခဏာများ သုတေသနပြု နှိုင်းယှဉ် လေ့လာ

စိုက်ပျိုးရေးသုတေသနဦးစီးဌာန ၊ ဟင်းသီးဟင်းရွက် သစ်သီးဝလံနှင့် ပန်းမန်သုတေသန ဌာနစု သုတေသနပညာရှင်များ သည် ဈေးကွက်လိုအပ်ချက်နှင့်ကိုက်ညီ၍ ရေ၊ မြေဒေသအလိုက် ဖြစ်ထွန်းမှုရှိသည့် အထွက်နှုန်းကောင်း သီနှံမျိုးများ မွေးမြူထုတ်လုပ်ခြင်း သုတေသန အစီအစဉ်အရ ဒေသအသီးသီးမှ ခရမ်းဗီဇမျိုးကွဲများ စုဆောင်း၍ အရည်အသွေး နှင့် အရည်အချင်းလက္ခဏာများအား နှိုင်းယှဉ်လေ့လာခြင်းသုတေသနကို ညွှန်ကြားရေးမှူးချုပ်၏ လမ်းညွှန်မှုဖြင့် ၂၀၂၀ ပြည့်နှစ်၊ မိုးရာသီတွင် စမ်းသပ်ဆောင်ရွက်လျက်ရှိသည်။

သုတေသန ဦးစီးဌာနသတင်းများ

အစေ့ထွက်နှင့် အရိုးထွက်ကောင်းသည့် အလားအလာကောင်း ဆတ်သီးနှံ မျိုးများ သုတေသန လုပ်ငန်း ဆောင်ရွက်

စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန၊ စိုက်ပျိုးရေးသုတေသနဦးစီးဌာနနှင့် Syngenta Foundation for Sustainable Agriculture တို့ပူးပေါင်း၍ ဇလုပ်စိုက်ပျိုးရေးသုတေသနခြံတွင် ပဲတီစိမ်း၊ ပဲစင်းငုံ၊ ကုလားပဲ၊ နှံစားပြောင်းနှင့် ဆတ်သီးနှံ သုတေသနလုပ်ငန်းများကို ပူးပေါင်းလုပ်ကိုင်ဆောင်ရွက်လျက်ရှိပါသည်။ အဆိုပါ ပူးပေါင်းဆောင်ရွက်မှု သု‌တေသနလုပ်ငန်းများ၏ အစီအစဉ်တစ်ခုဖြစ်သည့် ‌ဒေသနှင့်လိုက်လျောညီထွေသည့် အစေ့ထွက်နှင့် အရိုးထွက်ကောင်းသော ဆတ်သီးနှံ မျိုးသစ်များ အထွက်ယှဉ်ပြိုင်ခြင်း သုတေသနလုပ်ငန်းအား ဇလုပ်စိုက်ပျိုးရေးသုတေသနခြံ၌ ၂၀၂၀ ပြည့်နှစ်၊ မိုးရာသီတွင် လေ့လာစမ်းသပ်လျက်ရှိပါသည်။ စားနပ်ရိက္ခာဖူလှုံရေးနှင့် တိရိစ္ဆာန်အစာတိုးတက်ထုတ်လုပ်ရေးအတွက်ရည်ရွယ်၍ အရည်အသွေးကောင်း ဆတ်သီးနှံ မျိုးများ မွေးမြူထုတ်လုပ်နိုင်ရေးအတွက် မျိုးယှဉ်ပြိုင်စမ်းသပ်လေ့လာခြင်း သုတေသန လုပ်ငန်းကို ဇလုပ်စိုက်ပျိုးရေးသုတေသနခြံ တာဝန်ခံ ဦးကျော်စွာဦး ဦးဆောင်၍ စမ်းသပ်ကွက် တာဝန်ခံ ဦးအောင်ကျော်မိုးနှင့် သုတေသနပညာရှင်များက စမ်းသပ်ဆောင်ရွက် နေခြင်း ဖြစ်ပါသည်။ စမ်းသပ်မျိုးများအနက် Read More…

သုတေသန ဦးစီးဌာနသတင်းများ

မျိုးဆက်သစ် သုတေသန အလုပ်သင်ဝန်ထမ်းများ ပိုက်ဆံလျှော်နှင့် လူး/ဆတ်၊ ပြောင်း မျိုးရိုးဗီဇကွဲများ စိုက်ပျိုးထားမှုတို့ကို ကွင်းဆင်းလေ့လာ

စိုက်ပျိုးရေးသုတေသနဦးစီးဌာနသည် စိုက်ပျိုးထုတ်လုပ်သူ တောင်သူလယ်သမားများအတွက် သီးနှံစိုက်ပျိုးသည်မှ ရိတ်သိမ်းသိုလှောင်၍ စားသုံးသူလက်ဝယ်ရောက်ရှိသည်အထိ စိုက်ပျိုးထုတ်လုပ်မှုကွင်းဆက်တလျှောက် ကြုံတွေ့နေရသည့် အခက်အခဲများကို သုတေသနပြု ရှာဖွေဖော်ထုတ်ခြင်းများ စဉ်ဆက်မပြတ်ဆောင်ရွက်ပေးလျက်ရှိသကဲ့သို့၊ သုတေသနနှင့် နည်းပညာလက်ဆင့်ကမ်းမျှဝေနိုင်ရေးအတွက် မျိုးဆက်သစ် သုတေသနအလုပ်သင်ဝန်ထမ်းများအား သုတေသနလုပ်ငန်းများတွင် လက်တွေ့စူးစမ်းလေ့လာစေခြင်းဖြင့် သုတေသန လူ့စွမ်းအားအရင်းအမြစ် တိုးတက်ရန်အတွက်လည်း လေ့ကျင့်ဆောင်ရွက်ပေးလျက်ရှိပါသည်။

သုတေသန ဦးစီးဌာနသတင်းများ

ရေဆင်း စပ်မျိုးနေကြာ- ၁ မိဘလိုင်း မျိုးသန့်ထိန်းသိမ်း

ရေဆင်းစပ်မျိုးနေကြာ- ၁ သည် တစ်ဧကအထွက်နှုန်းနှင့် ဆီထွက်နှုန်း ကောင်းခြင်း၊ အသက်လျှင်ခြင်း၊ ယိုင်လဲမှု ဒဏ်ခံနိုင်ခြင်းနှင့် ရွက်ခြောက်ရောဂါဒဏ် ခံနိုင်ခြင်းစသော အရည်အချင်း လက္ခဏာများ ကြောင့် မြန်မာနိုင်ငံအဝှမ်းရှိ နေကြာစိုက်တောင်သူများ အများဆုံး စိုက်ပျိုးနေသည်ဖြစ်ရာ၊ ရေဆင်း စပ်မျိုးနေကြာ- ၁ မျိုးသန့် ရရှိရေးအတွက် မိဘမျိုးလိုင်းများ ထိန်းသိမ်းပွါးများခြင်းသည် သုတေသနပညာရှင်များအတွက် အရေးပါ သည့် လုပ်ငန်းတစ်ရပ်ဖြစ်သည်။

သုတေသန ဦးစီးဌာနသတင်းများ

အဝါရောင်မိုစေ့ရောဂါဒဏ်ခံနိုင်ရည်ရှိသော အထွက်ကောင်းပဲတီစိမ်းမျိုးများ၏ အဆင့်မြင့် အထွက်ယှဉ်ပြိုင်

အဝါရောင်မိုစေ့ရောဂါဒဏ်ခံနိုင်ရည်ရှိသော အထွက်ကောင်းပဲတီစိမ်းမျိုးများ၏ အဆင့်မြင့် အထွက်ယှဉ်ပြိုင်ခြင်းသုတေသန [တပ်ကုန်းစိုက်ပျိုးရေးသုတေသနခြံ]စိုက်ပျိုးရေးသုတေသနဦးစီးဌာနအနေဖြင့် သီးနှံသုတေန၊ နည်းပညာသုတေသနနှင့် တောင်သူပညာပေးလုပ်ငန်းများ ဆောင်ရွက်ရာတွင် အပြည်ပြည်ဆိုင်ရာ အဖွဲ့အစည်းများနှင့်ပူးပေါင်း၍ ရေဆင်းသုတေသန (ရုံးချုပ်) ရှိ သီးနှံအလိုက် သုတေသနစိုက်ကွင်းများတွင်သာမက လက်အောက်ခံ သီးနှံဗဟိုသုတေသနခြံနှင့် ဒေသသုတေသနခြံများ၌ပါ တောင်သူလယ်သမားအကျိုးပြု သုတေသနများ ဆောင်ရွက်လျက်ရှိပါသည်။ ယင်းကဲ့သို့ သုတေသန ပူးပေါင်းဆောင်ရွက်မှုအနေဖြင့် တပ်ကုန်းစိုက်ပျိုးရေးသုတေသနခြံတွင် သြစတြေးလျနိုင်ငံ အပြည်ပြည်ဆိုင်ရာ စိုက်ပျိုးရေးသုတေသနဗဟိုဌာန (ACIAR) ၏ စီမံကိန်းအရ အဝါရောင်မိုစေ့ ရောဂါဒဏ်ခံနိုင်ရည်ရှိသော အထွက်ကောင်းပဲတီစိမ်းမျိုးများ၏ အဆင့်မြင့် အထွက်ယှဉ်ပြိုင်ခြင်းသုတေသနကို တတိယအကြိမ်အနေဖြင့် သုတေသနပြု ဆောင်ရွက်လျက်ရှိပါသည်။

သုတေသန ဦးစီးဌာနသတင်းများ

သီးနှံ (၁၄)မျိုး၏ (DUS)Test တွင် အသုံးပြုမည့် အကိုးအကားပြုမျိုးများ ဖော်ထုတ်ပြုစုခြင်း ဆိုင်ရာသင်တန်း ပိတ်ပွဲကျင်းပ

စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန၊ စိုက်ပျိုးရေးသုတေ သနဦးစီးဌာန၊ Syngenta Foundation Project အစီအစဉ်ဖြင့်သီးနှံ (၁၄)မျိုး၏ Distinctness , Uniformity and Stability (DUS) Test တွင်အသုံးပြုမည့် အကိုးအကားပြုမျိုးများ ဖော်ထုတ်ပြုစုခြင်း ဆိုင်ရာသင်တန်းပိတ်ပွဲကို ဇွန်လ(၁၉)ရက်နေ့၊ ညနေ(၃)နာရီတွင် စိုက်ပျိုးရေးသုတေသနဦးစီးဌာန(ရေဆင်း)ရှိ စုဝေးခန်းမ၌ ကျင်းပပြုလုပ်ရာအခမ်းအနားသို့ စိုက်ပျိုးရေးသုတေသနဦးစီးဌာန ညွှန်ကြားရေးမှူးချုပ် ၊ ဒုတိယညွှန်ကြားရေးမှူးချုပ်နှင့် ညွှန်ကြားရေးမှူးများ၊ ဌာနစုတာဝန်ခံများ၊ သင်တန်းသား/သူများ တက်ရောက်ခဲ့ကြသည်။