နယ်သတင်းများ

Home Garden စိုက်ပျိုးနိုင်ရေးအတွက် ထန်းတပင်မြို့နယ်တွင် ဟင်းသီးဟင်းရွက် မျိုးစေ့ များ (အခမဲ့)ဖြန့်ဝေ

ကိုဗစ်-၁၉ ရောဂါကာကွယ် ထိန်းချုပ်ရေးကာလအတွင်း အများပြည်သူများ တစ်ပိုင်တစ်နိုင် ဟင်းသီးဟင်းရွက်များ စိုက်ပျိုးခြင်းဖြင့် မိသားစုစားဝတ်နေရေး အဆင်ပြေစေရေးနှင့် အဟာရ ပြည့်ဝပြီး ဓာတုကင်းစင်သည့် သီးနှံများစားသုံးခြင်းအားဖြင့် ကျန်းမာရေး ကောင်းမွန်စေရေး တို့အတွက် ရန်ကုန် မြောက်ပိုင်းခရိုင်၊ ထန်းတပင်မြို့နယ်စိုက်ပျိုးရေးဦးစီးဌာနမှဝန်ထမ်းများက ဟင်းသီးဟင်းရွက် မျိုးစေ့များကို ဇွန်နေ့လ၂၆ရက်နေ့နံနက်ပိုင်းမှ စတင်၍ မြို့နယ်အတွင်း(အခမဲ့) ဖြန့်ဝေပေးလျက် ရှိကြောင်း သိရသည်။

နယ်သတင်းများ

ပွင့်ဖြူမြို့နယ်၌ မွေးမြူရေးဆိုင်ရာ အသက်မွေးဝမ်းကြောင်း သင်တန်းဆင်းပွဲ ကျင်းပ

မကွေးတိုင်းဒေသကြီး၊ ပွင့်ဖြူမြို့နယ်မွေးမြူရေးနှင့် ကုသရေးဦးစီးဌာနမှ မြို့နယ်အတွင်းရှိ ကျေးလက်နေ ပြည်သူများ လူမှုစီးပွားဘဝ ဖွံ့ဖြိုးတိုးတက်စေရန်နှင့် မွေးမြူရေးကဏ္ဍ ဖွံ့ဖြိုးတိုးတက်စေရေး အတွက် ရည်ရွယ်ဖွင့်လှစ်သည့် မွေးမြူရေးဆိုင်ရာ အသက်မွေး ဝမ်းကြောင်း သင်တန်းဆင်းပွဲကို ဇွန်လ၂၆ရက် မွန်းလွဲ ၁ နာရီက ပွင့်ဖြူမြို့နယ် ဥယျာဉ်ကျစ်ကျေးရွာအုပ်စုရှိ မြို့နယ်စိုက်ပျိုးရေးဦးစီးဌာနပိုင် ရှေ့တန်းစခန်းရုံး၌ ကျင်းပပြုလုပ်ခဲ့ကြောင်း သိရသည်။ သင်တန်းဆင်းပွဲတွင် ပွင့်ဖြူမြို့နယ်မွေးမြူရေးနှင့် ကုသရေးဦးစီးဌာန လက်ထောက်ညွှန်ကြားရေးမှူး ဒေါက်တာသန့်ဇော်ထွေးက သင်တန်းမှ သင်ကြားပေးသည့် သင်ခန်းစာများကို လက်တွေ့အသုံးချကာ မြို့နယ်အတွင်း မွေးမြူးရေးကဏ္ဍဖွံ့ဖြိုး တိုးတက်လာစေရေးအတွက် ကြိုးပမ်းဆောင်ရွက်သွားကြ ရန်နှင့် သင်ယူလေ့လာခဲ့ရသည့် မွေးမြူရေးဆိုင်ရာပညာရပ်များကို မိမိတို့ရပ်ရွာရှိ ပြည်သူများကို လက်ဆင့်ကမ်းမျှဝေ  သင်ကြားပြသပေးစေလိုကြောင်း ဆွေးနွေးပြောကြားသည်။ ထို့နောက် သင်တန်းသားများကိုယ်စား သင်တန်းသားတစ်ဦးက ကျေးလက်နေပြည်သူများ တစ်ပိုင် တစ်နိုင် မွေးမြူရေးလုပ်ငန်းများ ဆောင်ရွက်လုပ်ကိုင်ရာတွင် Read More…

နယ်သတင်းများ

အင်းတကော် တွင် မျိုးကောင်းမျိုးသန့် ရော်ဘာပျိုးပင်များ ထောက်ပံ့ပေးအပ်

မျိုးကောင်းမျိုးသန့် ရော်ဘာပျိုးပင်များ ထောက်ပံ့ပေးအပ်ပွဲကို ဇွန် ၂၅ ရက် နေ့ က ပဲခူးတိုင်းဒေသကြီး၊ စိုက်ပျိုးရေးဦးစီးဌာန၊ နှစ်ရှည်ပင်များသုတေသနနှင့် နည်းပညာ ဖွံ့ဖြိုးရေးခြံ (အင်းတကော်)တွင် ကျင်းပပြုလုပ်ရာ တိုင်းဒေသကြီး၊ စိုက်ပျိုးရေးဦးစီးဌာန ဒုတိယ တိုင်းဒေသကြီးဦးစီးမှူး ဒေါ်မြင့်မြင့်ခိုင်၊ ပဲခူးခရိုင်ဦးစီးမှူး ဦးမျိုးမင်းထွန်း နှင့် ရွှေကျင်မြို့နယ်မှ ၂၀၁၉ ခုနှစ် ရော်ဘာပင်အိုခုတ်လှဲတောင်သူများ တက်ရောက်ကြသည်။

နယ်သတင်းများ

ပဲတီစိမ်းကို ရိတ်သိမ်းခြွေလှေ့စက်ဖြင့်စမ်းသပ်သရုပ်ပြရိတ်သိမ်း

မကွေးတိုင်းဒေသကြီး၊ မင်းဘူး(စကု)မြို့နယ်တွင် ပဲတီစိမ်းစိုက်တောင်သူများ လုပ်သားရှားပါးမှု ပြဿနာကို စက်ကိရိယာ သုံးဖြေရှင်းနိုင်စေရန်နှင့် လုပ်သားကုန်ကျစရိတ်နည်းပြီး အကျိုးအမြတ်များရှိနိုင်စေရန်ရည်ရွယ်၍ ပဲတီစိမ်းကို ရိတ်သိမ်းခြွေလှေ့စက်ဖြင့် ယမန်နေ့ နံနက်ပိုင်းက ဥယျာဉ်ဇင်ကျေးရွာ တောင်သူ ဦးသောင်းဌေးစိုး၏ လယ်မြေတွင် GAP စနစ်ဖြင့် စိုက်ပျိုးထားသော ပဲတီစိမ်း ၅ ဧက စံပြကွက်၌ စမ်းသပ်သရုပ်ပြရိတ်သိမ်းခြင်းကို ဆောင်ရွက်ခဲ့ကြောင်း သိရသည်။ “ယခုစံပြကွက် ၅ ဧကထဲမှာ စမ်းသပ်ကွက်များကို ပေ (၁၀၀) ပတ်လည် ၁၆ ကွက်သတ်မှတ်ထားပြီး စက်ဖြင့်ရိတ်သိမ်းခြင်း ၄ ကွက်၊ လုပ်သားဖြင့်ကောက်ခြင်း ၄ ကွက်၊ လုပ်သားဖြင့်နှစ်ကြိမ်ကောက်ပြီး စက်ဖြင့် ရိတ်သိမ်းခြင်း ၄ ကွက်၊ လုပ်သား ဖြင့်တစ်ကြိမ်ကောက်ပြီး စက်ဖြင့်ရိတ်သိမ်းခြင်း ၄ ကွက်ဆိုပြီး စမ်းသပ်ချက်စနစ်(၄)မျိုးဖြင့်ဆောင်ရွက်ထားရှိပြီး ၎င်းစမ်းသပ်ချက်များထဲမှ  တစ်ဧကကုန်ကျစရိတ်ကို Read More…

နယ်သတင်းများ

သဖန်းဆိပ်ဆည်ရေသောက်စနစ် မိုးစပါးဆည်ရေပေးနိုင်ရေး လုပ်ငန်းညှိနှိုင်း

သဖန်းဆိပ်ဆည်ရေသောက်စနစ်မှ ၂၀၂၀ခုနှစ် မိုးစပါးစိုက်ပျိုးရေပေးဝေနိုင်ရေး လုပ်ငန်းညှိနှိုင်း အစည်းအဝေးကို ဇွန်လ ၂၃ ရက် နံနက်(၉)နာရီအချိန်တွင် ရွှေဘိုမြို့နယ် စိုက်ပျိုးရေးဦးစီးဌာန မြို့နယ်ဦးစီးမှူးရုံး အစည်းအဝေးခန်းမတွင် ကျင်းပပြုလုပ်သည်။

နယ်သတင်းများ

ဆိပ်ဖြူမြို့နယ် ဒေသထွက် ကြက်သွန်နီများအား ဖြန့်ဖြူးရောင်းချ

မကွေးတိုင်းဒေသကြီး သမဝါယမအသင်းစုချုပ် သည် ဆိပ်ဖြူမြို့နယ် စိုက်ပျိုးထုတ်လုပ်ရေး သမဝါယမ အသင်းများ မှ အသင်းသားတောင်သူများ စိုက်ပျိုး ထုတ်လုပ်သော ကြက်သွန်နီများကို ကိုဗစ်-၁၉ ကာလအတွင်း ဈေးကွက်ရရှိစေရန်နှင့် လေလွင့် ဆုံးရှုံးမှု မရှိစေရန် ရည်ရွယ်၍ ရှမ်းပြည်နယ် သမဝါယမ အသင်းစုချုပ်နှင့် ချိတ်ဆက်ကာ ဒေသထွက် ကြက်သွန်နီ(လတ်ကြီး) တစ်ပိဿာလျှင် ငွေကျပ်(၄၉၀)နှုန်းဖြင့် ပိဿာချိန်(၅၀၀၀) ဝယ်ယူပြီး ရှမ်းပြည်နယ်တောင်ပိုင်းနှင့် အရှေ့ပိုင်းဒေသရှိ သမဝါယမအသင်းသားများနှင့် ပြည်သူများ ဝယ်ယူ စားသုံးနိုင်ရန်အတွက် အမြတ်အစွန်းမယူဘဲ ဖြန့်ဖြူး ရောင်းချပေးလျက်ရှိကြောင်း သိရှိရသည်။