ဦးစီးဌာနသတင်းများ

         ၂၀၁၉ ခုနှစ်နှင့် ၂၀၂၀ ခုနှစ် မိုးရာသီကာလများတွင် နိုင်ငံတစ်ဝှမ်းလုံး၌ မိုးရွာသွန်းမှု လျော့နည်းခဲ့ရာ ဆည်များရေဝင်ရောက်မှု ပုံမှန်ထက် လျော့နည်းခဲ့သဖြင့် ယခုနှစ် နွေစပါး ရာသီကာလ စိုက်ပျိုးရေလုံလောက်စွာ ပေးဝေနိုင်မှုမရှိခြင်းကြောင့် ယခင်နှစ်များကထက် နွေစပါးစိုက်ဧက(၅)သိန်းခန့် လျော့နည်းနိုင်သော်လည်း တောင်သူလယ်သမားများအနေဖြင့် ဝင်ငွေရဆောင်းသီးနှံများအား ပြောင်းလဲစိုက်ပျိုး ကြကြောင်း လယ်ယာမြေစီမံခန့်ခွဲရေးနှင့် စာရင်းအင်းဦးစီးဌာန၏ သီးနှံစိုက်ပျိုးထုတ် လုပ်မှု အစီရင်ခံစာများအရ သိရှိရသည်။

မြန်မာ့ပင်လယ်ငါးလုပ်ငန်း ရေပြင်အတွင်း ငါးသယံဇာတ မပြုန်းတီးရေး၊ ပြည်တွင်း စားနပ် ရိက္ခာ ဖူလုံမှုအထောက်အပံ့ဖြစ်ရေး၊ ပြည်ပဝင်ငွေရရှိရေးအတွက် သတ်မှတ် စည်းမျဉ်း စည်းကမ်း များ နှင့်အညီ ပင်လယ်ကမ်းဝေး ငါးဖမ်းလုပ်ငန်းအား ကုမ္ပဏီရေလုပ်ငန်းရှင်များနှင့် ပုဂ္ဂလိက တစ်ပိုင် တစ်နိုင် လုပ်ကိုင်သူများသို့ နှစ်စဉ် လုပ်ကိုင်ခွင့်ပြု ဆောင်ရွက်ပေး လျက် ရှိရာတွင်  ၂၀၂၀-၂၀၂၁ ခုနှစ် ငါးဖမ်းရာသီကာလမှာ (၁-၉-၂၀၂၀)ရက်မှစတင်ခဲ့ပြီး (၃၀-၄-၂၀၂၁) ရက် ၌ ခွင့်ပြု ကာလ သက်တမ်းများ ကုန်ဆုံးမည် ဖြစ်သည်။

          နိုင်ငံတော်တစ်ဝှမ်းလုံးရှိ တောင်သူလယ်သမားများ က ၂၀၂၀ ခုနှစ် မိုးရာသီ၌ မိုးစပါး ဧကစုစုပေါင်း(၁၅)သန်းနီးပါးခန့် စိုက်ပျိုးခဲ့ရာတွင် ယခုအခါ ဒေသ အသီးသီး၌ စပါးများ ရင့်မှည့်၍ ကောင်းစွာရိတ်သိမ်းမှုများ ဆောင်ရွက်နိုင်ခဲ့ကြောင်း၊ ၂၀၂၁ ခုနှစ် ဇန်နဝါရီလကုန် အထိ အဆိုပါစိုက်ဧကများမှ ဧက(၁၄.၅)သန်းကျော် ရိတ်သိမ်း ပြီးစီး ခဲ့ကြောင်း နှင့် ကျန် စိုက်ဧကများ ကိုလည်း ရင့်မှည့်ချိန်အလိုက် အချိန်မီ ရိတ်သိမ်းလျက် ရှိရာတွင် လယ်ယာမြေ စီမံခန့်ခွဲရေးနှင့် စာရင်းအင်းဦးစီးဌာနမှ ထုတ်ပြန်သော ခန့်မှန်း ကိန်းဂဏန်းများအရ စုစုပေါင်း ဆန်တန်ချိန်(၁၃.၄)သန်းကျော်ခန့် ထွက်ရှိနိုင်မည် ဖြစ်ကြောင်း သိရသည်။