ပြည်ထောင်စုအဆင့်သတင်း သတင်းကဏ္ဍ

ကချင်ပြည်နယ် သီးနှံ စိုက်ပျိုးထုတ်လုပ်သူများ အသင်း က ငှက်ပျော၊ ပြောင်းဖူး၊ ရော်ဘာ ၊ ငရုတ်နှင့် သီးနှံစုံ စိုက်ပျိုး ထုတ်လုပ် လျက်ရှိ

ပြည်ပပို့ကုန်အဖြစ် စီးပွားဖြစ်စိုက်ပျိုးထုတ်လုပ်ရာတွင် သက်ဆိုင်ရာနိုင်ငံ၏ သတ်မှတ် စံချိန် စံညွှန်းများညီညွတ်စေရေး အလေးထား ဆောင်ရွက်ရန်လိုကြောင်း၊ တရုတ်နိုင်ငံသို့ ငှက်ပျောတင်ပို့ ရာတွင် သီးနှံအရည်အသွေးကောင်းမွန်မှု တစ်ခုတည်းဖြင့် ဈေးကွက်သို့ ဝင်ရောက်၍ မရနိုင်ဘဲ ဓါတ်ကြွင်း ပါဝင်မှုကန့်သတ်ချက် နှင့် အပင်ပိုးမွှား ကင်းရှင်းရေးဆိုင်ရာ လိုအပ်ချက်များကို တိကျပြည့်စုံစွာ လိုက်နာ ဆောင်ရွက်ကြမှသာ ငှက်ပျောတင်ပို့ခွင့်နှင့် ပတ်သက်သည့် နှစ်နိုင်ငံ သဘောတူစာချုပ် ၏ အကျိုးကျေးဇူးကို ခံစားနိုင်ကြမည် ဖြစ်ကြောင်း မေလ(၂)ရက်နေ့ နံနက်ပိုင်းက ကချင်ပြည်နယ် ဝိုင်းမော်မြို့နယ် ငှက်ပျော လုပ်ငန်းရှင်များ နှင့်တွေ့ဆုံစဉ် စိုက်ပျိုးရေး၊မွေးမြူရေးနှင့်ဆည်မြောင်း ဝန်ကြီးဌာန ပြည်ထောင်စုဝန်ကြီး ဦးတင်ထွဋ်ဦး က ပြောကြားသည်။

ပြည်ထောင်စုအဆင့်သတင်း သတင်းကဏ္ဍ

ပူတာအိုဒေသ စားနပ်ရိက္ခာဖူလုံရေးနှင့် လယ်ယာစီးပွား ဖွံ့ဖြိုး တိုးတက်ရေး အတွက် ကျွမ်းကျင်သူများ ပါဝင်သော အဖွဲ့တစ်ဖွဲ့ဖြင့် ကွင်းဆင်းလေ့လာပြီး စီမံကိန်းရေးဆွဲ ဆောင်ရွက်မည်

ပြည်တွင်းစားနပ်ရိက္ခာဖူလုံရေး နှင့် ပြည်ပပို့ကုန်တိုးမြှင့်ရေးအတွက် နိုင်ငံတော် က မူဝါဒများ ချမှတ်ပြီး ကဏ္ဍအလိုက် ထိထိရောက်ရောက် ဖြည့်ဆည်းပေးလျက်ရှိရာ ယခင်က မရှိခဲ့သေးသည့် မွေးမြူရေး သုတေသနဦးစီးဌာန အသစ်ကို ဖွဲ့စည်းတည်ထောင်ပေးခဲ့သဖြင့် သားငါး ကဏ္ဍအတွက် သုတေသနလုပ်ငန်းများ စနစ်တကျ ဆောင်ရွက်နိုင်တော့မည်ဖြစ်ကြောင်း၊ အလားတူ မွေးမြူရေး ဆိုင်ရာ အသက်မွေး ဝမ်းကျောင်း ပညာရပ် လေ့လာလိုသူ လူငယ်များအတွက် စိုက်ပျိုးရေး သိပ္ပံကျောင်းများတွင် မွေးမြူရေး ဒီပလိုမာ သင်တန်းများ ဖွင့်လှစ် ပေးခြင်း၊ အဆင့်မြင့် ပညာရပ် ဆက်လက် သင်ယူလိုသူများ အတွက် ဘွဲ့ကြို၊ ဘွဲ့လွန် နှင့် ပါရဂူသင်တန်းများ အထိ ပေါင်းကူး တက်ရောက် နိုင်ရေး ကိုလည်း စီစဉ်ဆောင်ရွက်ပေးပြီးဖြစ်ရာ ဆရာ ဆရာမများ အနေဖြင့် အနာဂတ် Read More…

ပြည်ထောင်စုအဆင့်သတင်း သတင်းကဏ္ဍ

ကချင်ပြည်နယ် ၏ စိုက်ပျိုးမွေးမြူရေးလုပ်ငန်းများ ဘက်စုံဖွံ့ဖြိုးတိုးတက်ရေးကြိုးပမ်း

စိုက်ပျိုးမွေးမြူရေးလုပ်ငန်း လုပ်ကိုင်နေကြသူများ ၏ ထုတ်လုပ်မှုမြင့်မားစေရေးအတွက် လိုအပ်သည့် နည်းပညာနှင့် အကူအညီများကို စိုက်ပျိုးရေး၊မွေးမြူရေးနှင့် ဆည်မြောင်း ဝန်ကြီးဌာန က အားပေးကူညီလျက်ရှိကြောင်း၊ တဘက်မှလည်း သွင်းအားစုများကို ထိရောက်စွာ အသုံးပြုခြင်း၊ ရိတ်သိမ်းချိန်လွန်နည်းပညာအသုံးချခြင်း ၊ တန်ဖိုးမြင့်ကုန်ချောထုတ်လုပ်ရောင်းချခြင်း ၊ ယခင်က အမှုမဲ့အမှတ်မဲ့ စွန့်ပစ် ခဲ့သည့် ဘေးထွက် ပစ္စည်းများကို ထုတ်ကုန် အဖြစ် ဖန်တီး၍ ဝင်ငွေရှာခြင်း  စသည့်နည်းလမ်းများ အသုံးပြု၍ လယ်ယာ စီးပွားရေး လုပ်ငန်းရှင်များအဖြစ် ကြိုးပမ်းကြရန် နှင့် သဘောထားညီညွတ်သည့် အစုအဖွဲ့များစုဖွဲ့ပြီး ကုန်ထုတ်သမဝါယမအသင်းများ အဖြစ် ဆောင်ရွက်လိုပါက သက်ဆိုင်ရာဌာနများနှင့် ပေါင်းစပ် ညှိနှိုင်းဆောင်ရွက်ပေးသွားမည်ဖြစ်ကြောင်း၊ ဧပြီလ(၃၀)ရက်နေ့ က ကချင်ပြည်နယ် မြစ်ကြီးနား မြို့နယ် နှင့် ဝိုင်းမော် မြို့နယ်များမှ တောင်သူများ၊ စိုက်ပျိုးမွေးမြူရေးဆိုင်ရာ Read More…

ပြည်ထောင်စုအဆင့်သတင်း သတင်းကဏ္ဍ

စွမ်းရည်ပြည့်ဝ နှလုံးလှသည့် လူတော် လူကောင်းများ အဖြစ် အနာဂတ်လယ်ယာကဏ္ဍတွင် ထူးချွန်စွာ တာဝန်ယူနိုင်ကြစေရေး မျှော်မှန်း ဆောင်ရွက်ကြစေလို

စိုက်ပျိုးရေး နှင့် မွေးမြူရေးဆိုင်ရာ အသက်မွေးဝမ်းကျောင်း ပညာရပ် ကျွမ်းကျင်သူများ၊ အဆင့်မြင့်ပညာရှင်များ လေ့ကျင့် သင်ကြား မွေးထုတ်ပေးနိုင်ရေး ကြိုးပမ်းဆောင်ရွက်ရာ တွင် ခေတ်မီနည်းပညာရပ်များ သင်ကြားပို့ချပေးခြင်းသာမက တွေးခေါ်မြော်မြင်နိုင်စွမ်း နှင့် ဆင်ခြင် သုံးသပ် နိုင်စွမ်းမြင့်မားသည့် အသိပညာဖွံ့ဖြိုးရေးကိုပါ အလေးထားပို့ချပေးကြစေလိုကြောင်း၊ ကျောင်းဆင်းမောင်မယ်တိုင်းက စွမ်းရည်ပြည့်ဝ နှလုံးလှသည့် လူတော် လူကောင်းများ အဖြစ် အနာဂတ်လယ်ယာကဏ္ဍတွင် ထူးချွန်စွာတာဝန်ယူနိုင်ကြစေရေး မျှော်မှန်း ဆောင်ရွက်ကြစေလို ကြောင်း ဧပြီ(၃၀)ရက်‌နေ့က ပျဉ်းမနား စိုက်ပျိုးရေးသိပ္ပံကျောင်း နှင့် ရေဆင်းတက္ကသိုလ်များ နယ်မြေရှိ စိုက်ပျိုးရေး တက္ကသိုလ် နှင့် မွေးမြူရေးဆိုင်ရာဆေးတက္ကသိုလ်များအား လှည့်လည် ကြည့်ရှုစစ်ဆေးစဉ် ဒုတိယဝန်ကြီး ဒေါက်တာအောင်ကြီး က တာဝန်ရှိ သူများအား ဆွေးနွေး ပြောကြားသည်။

ပြည်ထောင်စုအဆင့်သတင်း သတင်းကဏ္ဍ

ကချင်ပြည်နယ်၏လယ်ယာကုန်ထုတ်လုပ်မှုဖွံ့ဖြိုးတိုးတက်ရေး လုပ်ငန်းညှိနှိုင်း အစည်းအဝေးကျင်းပ

စိုက်ပျိုးရေး မွေးမြူရေး လုပ်ငန်းများ လုပ်ကိုင်ရန် ရေခံမြေခံကောင်းများရှိနေသည့် ကချင် ပြည်နယ် သည် နယ်စပ်ဈေးကွက် ကုန်သွယ်ရေး လမ်းကြောင်းပေါ်တွင် တည်ရှိနေသကဲ့သို့ အသားတင် စိုက်ပျိုးမြေဧက(၇၇၄၀၀၀)ကျော်ရှိပြီး သဘာဝပတ်ဝန်းကျင်ကို ထိခိုက်မှု မရှိစေဘဲ ဖော်ထုတ် လုပ်ကိုင် နိုင်သည့် မြေသယံဇာတများစွာရှိနေသဖြင့် ဒေသဝမ်းစာဖူလုံရေးအတွက်သာမက ဈေးကွက် လိုအပ်ချက် ရှိနေသည့် စိုက်ပျိုးရေး မွေးမြူရေး လုပ်ငန်းများ စီးပွားဖြစ် လုပ်ကိုင်နိုင်ရေးကို ပြည်ထောင်စုဝန်ကြီးဌာန နှင့် ပြည်နယ် အစိုးရတို့ပူးပေါင်း၍ ကြိုးပမ်းအကောင်အထည်ဖော် ဆောင်ရွက်သွားမည်ဖြစ်ကြောင်း ဧပြီလ(၂၉)ရက်နေ့ ညနေပိုင်းက ပြည်နယ် အစိုးရအဖွဲ့ရုံး မလိခခန်းမ ၌ ကျင်းပပြုလုပ်သည့် ကချင်ပြည်နယ်၏လယ်ယာကုန်ထုတ်လုပ်မှုဖွံ့ဖြိုးတိုးတက်ရေး လုပ်ငန်းညှိနှိုင်း အစည်းအဝေးတွင် စိုက်ပျိုးရေး၊မွေးမြူရေးနှင့်ဆည်မြောင်းဝန်ကြီးဌာန ပြည်ထောင်စုဝန်ကြီး ဦးတင်ထွဋ်ဦး က ပြောကြားသည်။

ပြည်ထောင်စုအဆင့်သတင်း သတင်းကဏ္ဍ

မြေလွတ်၊ မြေလပ်နှင့် မြေရိုင်းများစီမံခန့်ခွဲရေး ဗဟိုကော်မတီ ၏ ပဉ္စမအကြိမ်မြောက် လုပ်ငန်းညှိနှိုင်းအစည်းအဝေးကျင်းပ

               မြေလွတ်၊ မြေလပ်နှင့် မြေရိုင်းများစီမံခန့်ခွဲရေးဗဟိုကော်မတီ၏ ပဉ္စမအကြိမ် လုပ်ငန်း ညှိနှိုင်းအစည်းအဝေးကို ဧပြီလ (၂၆)ရက်နေ့ နံနက်ပိုင်းက  စိုက်ပျိုးရေး၊မွေးမြူရေးနှင့်ဆည်မြောင်း ဝန်ကြီးဌာန ပြည်ထောင်စုဝန်ကြီးရုံး အစည်းအဝေးခန်းမ၌ ကျင်းပ ပြုလုပ်ရာ အစည်းအဝေးသို့ မြေလွတ်၊ မြေလပ်နှင့် မြေရိုင်းများစီမံခန့်ခွဲရေးဗဟိုကော်မတီ ဥက္ကဌ ပြည်ထောင်စုဝန်ကြီး ဦးတင်ထွဋ်ဦး ၊ ဒုတိယဥက္ကဌများ ဖြစ်ကြသည့် ရင်းနှီးမြှုပ်နှံမှုနှင့်နိုင်ငံခြားစီးပွား ဆက်သွယ်ရေး ဝန်ကြီးဌာန ဒုတိယဝန်ကြီး ဦးသန်းအောင်ကျော် ၊ စိုက်ပျိုးရေး၊မွေးမြူရေး နှင့် ဆည်မြောင်း ဝန်ကြီးဌာန ဒုတိယဝန်ကြီး ဒေါက်တာအောင်ကြီး ၊ မြေလွတ်၊မြေလပ်နှင့်မြေရိုင်းများ စီမံခန့်ခွဲရေး ဗဟိုကော်မတီဝင်များ စုံညီစွာ တက်ရောက် ကြသည်။