Author: admin

နိုင်ငံတော်က နေပြည်တော်ကောင်စီနယ်မြေ အား စိုက်ပျိုးမွေးမြူရေးကိုအခြေခံ၍ ဘက်စုံ ဖွံ့ဖြိုးတိုးတက်သော စံပြဒေသတစ်ခုအဖြစ် အကောင်အထည်ဖော်လျက်ရှိရာ လယ်ယာ ကုန်ထုတ်လုပ်ငန်းများ တိုးမြှင့်ဆောင်ရွက်နိုင်ရေး၊ တစ်ဧကချင်း ထုတ်လုပ်မှု နှင့် တောင်သူ တစ်ဦးချင်း၏ ဝင်ငွေတိုးတက်ရေးကို စိုက်ပျိုးရေး၊ မွေးမြူရေးနှင့် ဆည်မြောင်း ဝန်ကြီးဌာန က  တောင်သူများ ဒေသနေပြည်သူများ နှင့်ပူးပေါင်းကြိုးပမ်းလျက်ရှိကြောင်း၊ နေပြည်တော်ကောင်စီနယ်မြေတွင် ယခုနှစ် ဆောင်းသီးနှံ အဖြစ် ဆီထွက်သီးနှံ မြေပဲ  နှမ်း  နေကြာ နှင့် မတ်ပဲ ပဲတီစိမ်းအပါအဝင် ပဲသီးနှံ(၉)မျိုး ၊ ကြံ ၊ ပြောင်း ၊ ဟင်းသီး ဟင်းရွက် စုစုပေါင်း  ဧက ၁၇၆၀၀၀ ကျော် စိုက်ပျိုးခဲ့ပြီး လျာထားဧကထက် ဧက၃၀၀၀ ကျော် ပိုမိုစိုက်ပျိုးနိုင်ခဲ့ခြင်းဖြစ်ကြောင်း သိရသည်။

              စာချုပ်စာတမ်းများမှတ်ပုံတင် ဥပဒေနှင့် လယ်ယာမြေဥပဒေတို့အရ  စာချုပ် စာတမ်းများ မှတ်ပုံတင်ခြင်းဆိုင်ရာ(ပဥ္စမ)အကြိမ် အလုပ်ရုံဆွေးနွေးပွဲကို ဇန်နဝါရီလ (၂၈)ရက်နေ့ နံနက်ပိုင်းက ရန်ကုန်တိုင်းဒေသကြီး၊ ရန်ကင်းမြို့နယ် ဆည်မြောင်းနှင့် ရေအသုံးချမှု စီမံခန့်ခွဲရေးဦးစီးဌာန အစည်းဝေးခန်းမ၌ ကျင်းပပြုလုပ်ရာ စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန ဒုတိယဝန်ကြီး ဒေါက်တာအောင်ကြီး၊ အမြဲတမ်းအတွင်းဝန် ဦးကျော်မင်းဦး နှင့် ညွှန်ကြားရေးမှူးချုပ်များ၊ လယ်ယာမြေစီမံခန့်ခွဲရေး နှင့် စာရင်းအင်းဦးစီးဌာန အရာထမ်း အမှုထမ်းများနှင့် ဖိတ်ကြားထားသူများ တက်ရောက် ကြသည်။

စိုက်ပျိုးရေးသုတေသနဦးစီးဌာန၏ (၁၉) နှစ်မြောက် နှစ်ပတ်လည်အခမ်းအနားကို ဇန်နဝါရီလ (၂၇)ရက်နေ့ နံနက်ပိုင်းက ဇေယျာသီရိမြို့နယ်၊ ရေဆင်းစိုက်ပျိုးရေး သုတေသနဦးစီးဌာန နဝရတ်ခန်းမ၌ ကျင်းပပြုလုပ်ရာ စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန ဒုတိယဝန်ကြီး ဒေါက်တာအောင်ကြီး၊ အမြဲတမ်းအတွင်းဝန် ဦးကျော်မင်းဦး နှင့် ညွှန်ကြားရေးမှူးချုပ်များ ၊ ပါမောက္ခချုပ်များ ၊ အငြိမ်းစားပညာရှင်များ၊ သုတေသနပညာရှင်များ နှင့် ဖိတ်ကြားထားသူများ တက်ရောက်ကြသည်။

လယ်ယာမြေစီမံခန့်ခွဲရေးနှင့်စာရင်းအင်းဦးစီးဌာန ၏ ရာသီဥတု နှင့် ကောက်ပဲသီးနှံ နှစ်ချုပ် အစီရင်ခံစာစာရင်း အရ  ၂၀၂၀- ၂၀၂၁ခုနှစ် တွင် စိုက်ပျိုးမြေ ဧရိယာ စုစုပေါင်းဧက (၃၄.၃၅၄)သန်း ရှိခဲ့ပြီး ၂၀၂၁- ၂၀၂၂ခုနှစ်တွင် စိုက်ပျိုးမြေ ဧရိယာ စုစုပေါင်းဧက(၃၄.၅၀၃) သန်း ရှိသဖြင့်  ဧကပေါင်း(၁၄၈၀၀၀)ကျော်ခန့် တိုးလာကြောင်း၊ ယင်းအခြေအနေကောင်း ကို ထိန်းသိမ်းထားရန် နှင့် ပိုမိုတိုးတက်လာစေရန် တာဝန်ရှိသူအဆင့်ဆင့်က ဝိုင်းဝန်းကြိုးပမ်း ကြရန်လိုကြောင်း၊   ဇန်နဝါရီလ (၂၇)ရက်နေ့ မွန်းလွဲပိုင်းက စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန ပြည်ထောင်စု ဝန်ကြီးရုံး အစည်းအဝေးခန်းမ၌ ကျင်းပပြုလုပ်သည့် ဗဟိုလယ်ယာမြေစီမံခန့်ခွဲမှုအဖွဲ့ ၏ (၈)ကြိမ်မြောက် အစည်းအဝေး တွင် ဗဟိုလယ်ယာမြေ စီမံခန့်ခွဲမှုအဖွဲ့ ဥက္ကဌ ပြည်ထောင်စုဝန်ကြီး ဦးလှမိုး က Read More…

စိုက်ပျိုးရေးလုပ်ငန်းအတွက် အဓိကလိုအပ်ချက်တစ်ခုဖြစ်သည့် သီးနှံမျိုးစေ့များကို ပြည်ပမှ တင်သွင်းအသုံးပြုရမှုအစား ပြည်တွင်းသုံးစွဲမှုဖူလုံရေး နှင့် ရေရှည်တွင် သီးနှံမျိုးစေ့ ထုတ်လုပ်တင်ပို့သည့် နိုင်ငံအဖြစ်ရပ်တည်နိုင်ရေး အတွက် မျိုးစေ့ထုတ်လုပ်ငန်းများ၌ ပုဂ္ဂလိကရင်းနှီးမြုပ်နှံမှုနှင့် နိုင်ငံခြားရင်းနှီးမြှပ်နှံမှုများ တိုးတက်ဝင်ရောက်လာရေး ကြိုးပမ်း လျက်ရှိကြောင်း ဇန်နဝါရီလ (၂၆)ရက်နေ့ နံနက်ပိုင်း က စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန ပြည်ထောင်စုဝန်ကြီးရုံး တွင် ကျင်းပပြုလုပ်သည့် မျိုးစေ့ဆိုင်ရာ အမျိုးသားကော်မတီ ၏ (၂၄)ကြိမ်မြောက် အစည်း အဝေး တွင် မျိုးစေ့ဆိုင်ရာ အမျိုးသား ကော်မတီ ဥက္ကဌ ဒုတိယဝန်ကြီး က ပြောကြားသည်။