ငါး-ပုစွန်ဆိုင်ရာ နယ်သတင်းများ သတင်းကဏ္ဍ

မြန်မာနှစ်ဆန်းတစ်ရက်​နေ့တွင် ရှမ်းပြည်နယ်အတွင်း၌ ငါးသားပေါက် (၁၂၀,၀၀၀)ဇီဝိတဒါန လွှတ်ပေးခဲ့


၁၇-၄-၂၀၂၁ ရက်​နေ့တွင်ကျ​ရောက်​သော မြန်မာနှစ်ဆန်းတစ်ရက်​နေ့တွင် ရှမ်းပြည်နယ် အတွင်း ဇီဝိတဒါနစုပေါင်းငါးလွှတ်ပွဲ အခမ်းအနားများကိုကျင်းပခဲ့ရာ က​လောမြို့နယ်၊ ဟဲဟိုးမြို့ အင်း​ခေါင်းဆည် ၌ ကျင်းပပြုလုပ်သည့် ဇီဝိတဒါန ငါးလွှတ်ပွဲသို့ ရှမ်းပြည်နယ် စီမံအုပ်ချုပ်​ရေး​ကောင်စီဥက္ကဌ ​ဒေါက်တာ​ကျော်ထွန်း ဦး​ဆောင်​သော ပြည်နယ်စီမံအုပ်ချုပ်​ရေး ​ကောင်စီ ဝင်များ၊ ပြည်နယ်ငါးလုပ်ငန်းဦစီးမှူး ဦးလွှမ်းမိုးဇော် နှင့် ပြည်နယ်/ ခရိုင်/မြို့နယ်အဆင့် ဌာနဆိုင်ရာများ၊ ​ဒေသခံ ပြည်သူများတက်ရောက်ကြပြီး ​(၂)လက်မ အရွယ်ရှိ ရွှေဝါငါးကြင်း သား​ပေါက်​ကောင်​ရေ (၄၀၀၀၀)နှင့် ငါးခုံးမကြီး သား​ပေါက်​ကောင်​ရေ(၁၀၀၀၀)၊ စုစု​​ပေါင်းငါးသား​ပေါက်​ကောင်​ရေ (၅၀၀၀၀)အား စု​ပေါင်း၍ ဇီဝိတဒါန ငါးမျိုးလွှတ်​ပေးခဲ့ကြသည်။
အလားတူ ရှမ်းပြည်နယ်၊ ကျိုင်းတုံခရိုင်ငါးလုပ်ငန်းဦးစီးဌာန က ကျိုင်းတုံ မြို့နယ်၊ ကျိုင်း​ဖောင်း​ချောင်းအတွင်းသို့ ​ရွှေဝါငါးကြင်းနှင့် ငါးမြစ်ချင်းသား​ပေါက်​ကောင်​ရေ (၂၀၀၀၀)အား လည်း​ကောင်း၊ လွိုင်လင်ခရိုင်ငါးလုပ်ငန်းဦးစီးဌာန က လွိုင်လင်မြို့နယ်၊ မြကန်သာကန်​တော် အတွင်း သို့ ​ရွှေဝါငါးကြင်းနှင့် ငါးခုံးမကြီး သား​ပေါက်​​ကောင်​ရေ (၃၀၀၀၀) အားလည်း​ကောင်း ၊ လင်းခေးခရိုင်ငါးလုပ်ငန်းဦးစီးဌာန က မိုးနဲမြို့နယ် ၊ နန်းယွန်း​ချောင်း အတွင်းသို့ ​ရွှေဝါ ငါးကြင်း နှင့် ငါးခုံးမကြီးသား​ပေါက်​ကောင်​ရေ (၁၀၀၀၀)နှင့် ​မောက်မယ်မြို့နယ် နန့်တွန်​ချောင်း အတွင်း သို့ ​ရွှေဝါငါးကြင်းနှင့်ငါးခုံးမကြီးသား​​​ပေါက်​ကောင်​ရေ(၁၀၀၀၀)အား လည်း​ကောင်း သက်ဆိုင်ရာ ခရိုင်/မြို့နယ်အဆင့် စီမံအုပ်ချုပ်​ရေး​ကောင်စီ အဖွဲ့ဝင်များနှင့်အတူ ဇီဝိတဒါန ငါးမျိုးလွှတ်ထည့်​ပေးခဲ့ကြသည်။

မြန်မာနှစ်ဆန်းတစ်ရက်​နေ့တွင် ရှမ်းပြည်နယ်အတွင်း ကျင်းပခဲ့သည့် ဇီဝိတ ဒါန စုပေါင်းငါးလွှတ်ပွဲများတွင်အသုံးပြုခဲ့သော (၂)လက်မအရွယ်ရှိ ရွှေဝါငါးကြင်းနှင့် ငါးခုံးမကြီးကောင်ရေစုစုပေါင်း (၁၂၀,၀၀၀)ကို ညောင်ရွှေငါးလုပ်ငန်းစခန်း က မွေးမြူထုတ်လုပ်ပေးခဲ့ခြင်းဖြစ်ကြောင်း သိရသည်။