စိုက်ပျိုးရေး၊မွေးမြူရေးနှင့်ဆည်မြောင်းဝန်ကြီးဌာန၊ မြောင်းမြမြို့နယ်သမဝါယမ ဦးစီးဌာန နှင့် မြောင်းမြမြို့နယ်စိုက်ပျိုးရေးဦးစီးဌာနတို့ ပူးပေါင်း၍ မြို့နယ်အတွင်းရှိ ကျေးရွာ (၁၀)ရွာတို့မှ တောင်သူအသင်းသားများဖြင့် မြမျိုးသန့်မျိုးစေ့ထုတ်သမဝါယမအသင်း ကို ဖွဲ့စည်း ဆောင်ရွက်လျက် ရှိကြောင်း သိရသည်။ အဆိုပါ သမဝါယမအသင်း က မျိုးကောင်း မျိုးသန့်စပါးများ စဉ်ဆက်မပြတ် ထုတ်လုပ်ဖြန့်ဖြူးနိုင်ရန် တစ်ဧကလျှင် ငွေကျပ် (၃၀၀၀၀၀) နှုန်းဖြင့် ထုတ်ချေးပေးခဲ့ပြီး အသင်းသား များကလည်း ပြန်ဆပ်ချိန်တွင် အချိန်မီ အပြေအကြေပေးဆပ်ကြကြောင်း၊ ယခုနှစ် မိုးစပါးရာသီတွင် မြို့နယ်စိုက်ပျိုးရေးဦးစီးဌာန၏ နည်းပညာအကူအညီဖြင့် ဆင်းသုခ၊ ပေါ်ဆန်းရင်၊ ဧရာမင်း မျိုးသန့် မျိုးစေ့ထုတ် စိုက်ဧက (၂၅၂) ဧကကို စိုက်ပျိုးလျက်ရှိကြောင်း သတင်းရရှိသည်။
