စိုက်ပျိုးရေး၊ မွေးမြူရေးနှင့်ဆည်မြောင်းဝန်ကြီးဌာနအနေဖြင့် ဆည်ရေသောက်စနစ်များ ရေရှည် တည်တံ့ပြီး အကျိုးပြုနိုင်စေရေး အတွက် ပြန်လည်ပြုပြင်မွမ်းမံခြင်း လုပ်ငန်းများကို နိုင်ငံတော် ဘဏ္ဍာရန်ပုံငွေဖြင့်လည်းကောင်း၊ ဖွံ့ဖြိုးပြီးနိုင်ငံများနှင့် နိုင်ငံတကာ မိတ်ဖက် အဖွဲ့အစည်းများ၏ ချေးငွေ ထောက်ပံ့ငွေ အကူအညီများရယူ၍လည်းကောင်း လျာထား စီမံ ဆောင်ရွက်လျက်ရှိရာ
ဆည်မြောင်းနှင့်ရေအသုံးချမှုစီမံခန့်ခွဲရေးဦးစီးဌာန ညွှန်ကြားရေးမှူးချုပ် ဦးဗိုလ်ဗိုလ်ကျော်၊ ဒုတိယညွှန်ကြားရေးမှူးချုပ် ဒေါက်တာဇော်လွင်ထွန်း၊ အင်ဂျင်နီယာချုပ် (စက်မှု) ဦးထွန်းကျော်စိုးနှင့် တာဝန် ရှိသူများသည် ဇွန်လ ၂၇ မှ ၂၉ ရက်နေ့ထိ သဖန်းဆိပ် ဆည်ရေသောက်ဧရိယာအတွင်း မိုးစပါးစိုက်ပျိုးရာသီ မတိုင်မီ လက်တံမြောင်းအလိုက် ဆည် ရေသောက် ဧရိယာတစ်ခုလုံး၏ ရေအသုံးချသူများအဖွဲ့ (WUG) များ အားလုံးကို အချိန်မီ ပြီးစီးအောင် ဖွဲ့စည်းနိုင်ရေး အတွက် ဆည်ရေသောက်အတွင်းရှိ တောင်သူများနှင့် တွေ့ဆုံ ဆွေးနွေး ခဲ့ကြသည်။
