သတင်းကဏ္ဍ ဦးစီးဌာနသတင်းများ

စွမ်းအားမြှင့်မီးဖိုများဖြန့်ဖြူးခြင်းစီမံကိန်း စတင်ခြင်းအလုပ်ရုံဆွေးနွေးပွဲ နှင့် စီမံကိန်းအကောင်အထည်ဖော်မည့်သူများ ညှိနှိုင်းဆွေးနွေးပွဲကျင်းပ

စိုက်ပျိုးရေး၊မွေးမြူရေးနှင့်ဆည်မြောင်းဝန်ကြီးဌာန စိုက်ပျိုးရေးဦးစီးဌာန ၊ KOICA နှင့် ရာသီဥတုပြောင်းလဲမှုဗဟိုဌာန KCC Center တို့ပူးပေါင်းဆောင်ရွက်သည့် မြန်မာနိုင်ငံတွင် စွမ်းအားမြှင့်မီးဖိုများဖြန့်ဖြူးခြင်းစီမံကိန်း စတင်ခြင်းအလုပ်ရုံဆွေးနွေးပွဲ နှင့် စီမံကိန်းအကောင်အထည်ဖော်မည့်သူများ ညှိနှိုင်းဆွေးနွေးပွဲ အခမ်းအနား ကို မေလ ၁၆ ရက် နံနက် ၈ နာရီခွဲအချိန်က နေပြည်တော် ရေဆင်းရှိ AERDTC သင်တန်းကျောင်းခန်းမ၌ ကျင်းပပြုလုပ်ရာ စိုက်ပျိုးရေး၊မွေးမြူရေးနှင့်ဆည်မြောင်းဝန်ကြီးဌာန အမြဲတမ်းအတွင်းဝန် ဦးကျော်မင်းဦး တက်ရောက်၍ အဖွင့်အမှာစကား ပြောကြားသည်။
အခမ်းအနားသို့ စီမံကိန်းဒေသများမှ တိုင်းဒေသကြီး ပြည်နယ်အစိုးရအဖွဲ့ဝင် ဝန်ကြီးများ၊ စိုက်ပျိုးရေးဦးစီးဌာန ညွှန်ကြားရေးမှူးချုပ်နှင့် ဒုတိယညွှန်ကြားရေးမှူးချုပ်များ၊ ညွှန်ကြားရေးမှူးများ၊ KOICA နှင့် ရာသီဥတုပြောင်းလဲမှုဗဟိုဌာန KCC Centerမှ တာဝန်ရှိသူများ၊ စီမံကိန်းအကောင်အထည်ဖော်မည့် အရာထမ်း အမှုထမ်းများတက်ရောက်ကြသည်။

Comments are closed.