ရွှေမင်းသားဖောင်ဒေးရှင်း(မြန်မာ)သည် မသန်စွမ်းသူများ၏ အလုပ်အကိုင်နှင့် စီးပွားရေး လုပ်ငန်းများဆိုင်ရာ အခွင့်အလမ်းများလက်လှမ်းမှီ၍ လူမှုဘဝဖွံ့ဖြိုးတိုးတက်စေရန် ရည်ရွယ်၍ ထူထောင်ထားသော အဖွဲ့အစည်းဖြစ်ပါသည်။
ရွှေမင်းသားဖောင်ဒေးရှင်း(မြန်မာ)မှ ဆက်လက်ဆောင် ရွက်မည့် အစီအစဉ်တွင် မသန်စွမ်းသူများအတွက် အိုးအိမ်မကွာ တစ်ပိုင်တစ်နိုင် လုပ်ကိုင်နိုင်သော မှိုမွေးမြူစိုက်ပျိုးထုတ်လုပ်နည်းကို စီမံချက်တွင် ထည့်သွင်းရေးဆွဲထားပါသဖြင့် မှိုမျိုးစုံမွေးမြူစိုက် ပျိုးထုတ်လုပ်နည်းသင်တန်းကို
ဧရာဝတီတိုင်းဒေသကြီး၊ ဟင်္သတခရိုင်၊ ဟင်္သတမြို့နယ်၊ မစိုးရိမ် ကျောင်းတိုက်တွင် (၂၇.၅.၂၀၁၉) မှ (၃၀.၅.၂၀၁၉) ရက်နေ့အထိ (၄) ရက်ကြာဖွင့်လှစ်ရာ သင်တန်း ဖွင့်ပွဲသို့ ခရိုင်အထွေထွေအုပ်ချုပ်ရေးမှူး ဦးမိုးဦးနှင့် လွှတ်တော်ကိုယ်စားလှယ် ဦးအောင်ကျော်မြိုင် တို့မှ ကြိုဆိုနှုတ်ခွန်းဆက်အမှားစကားပြောကြားခြင်း၊ ပြန်လည်ထူထောင်ရေးဦးစီးဌာနမှ လက် ထောက်ညွှန်ကြားရေးမှူး ဒေါ်ဝါဝါကြွယ်မှ အဖွင့်အမှာစကားပြောကြားခြင်း၊ စိုက်ပျိုးရေးဦးစီးဌာန၊ သင်တန်းနည်းပြ လက်ထောက်ညွှန်ကြားရေးမှူး ဒေါ်နီနီရှိန်မှ သင်တန်းပို့ချမည့် အစီအစဉ်များ ပြောကြားခြင်း၊ ရွှေမင်းသားဖောင်ဒေးရှင်း(မြန်မာ) အသင်းချုပ်ဥက္ကဌ ဦးမြတ်သူဝင်းမှ မှိုသင်တန်း ဖွင့်လှစ်ရခြင်းရည်ရွယ်ချက်နှင့် မုဒိတာစကားပြောကြားခြင်း၊ ဝန်ထမ်းများနှင့် သင်တန်းသား/သင် တန်းသူ စုစုပေါင်း(၄၂)ဦး တက်ရောက်ခဲ့ကြောင်း သိရှိရသည်။
အဆိုပါသင်တန်းသို့ စိုက်ပျိုးရေးဦးစီးဌာန၊ ကော်ဖီ-ရာသီသီးနှံဌာနခွဲမှ ပညာရှင်ဝန် ထမ်း(၂)ဦးမှ သင်တန်းပို့ချလျက်ရှိပြီး ဟဟင်္သတမြို့နယ်အတွင်းရှိ မသန်စွမ်းသူ သင်တန်းသား/ သင်တန်းသူ(၂၇)ဦးနှင့် ဌာနမှ ဝန်ထမ်း(၁၅)ဦး စုစုပေါင်း(၄၂)ဦး တက်ရောက်သင်ကြားလျက်ရှိ ကြောင်း သတင်းရရှိသည်။
